سلمت يداكِ عزيزتي قرة العين على هذا الشعر الرائع
والاكراد الفيليه يستاهلون كل الخير وناس كلش طيبين
واولهم انتي واحلى شي بالاكراد الفيليه احس عندكم
الحركه والحيويه والتحدي وطعم الحريه والحياة
عدكم الها لون خاص
لااعرف كيف اعبره لكي , لكنه اشبه بعالم اخر
والي يعاشركم ويصداقكم ميحس ابد بالملل
واني محظوطه لان عندي صديقه كرديه فيليه مثلج
والله لايحرمني من هذه الصداقه والقرابه ابداً
واكو بعض الناس يفتكرون ان كل الاكراد
يحجون عربي مكسروهذا اعتبره خطا كبير
لان اكراد شمال العراق هم الي يحجون عربي مكسر
واما الاكراد الفيليه ميشبهون الاكراد شمال العراق من السما للارض
لان اكراد الفيليه يحجون عربي مضبوط واظبط من عدنا
لان اغلبهم دارسين ومثقفين وغير هذا كانت ولادتهم في بغداد
وليس في شمال العراق يعني لهجتكم بغداديه قرح
ولا احد ايحس من لهجتكم على انكم اكراد
وعلى ما اذكر لمن كانت اختي معك في المدرسه كانوا المعلمين وزملائكِ يختارونك من اجل القاء الكلمه او الشعر في افتتاح البرنامج الصباحي في المدرسه بسبب فصاحتكِ في اللغه العربيه.
وحسب علمي كانوا الاكراد الفيليه عايشيين
في بغداد منذ قرون ..ولكن بسبب سياسات اليوم تهجروا من العراق ومارست عليهم الحقد والاضطهاد والتهجير والتنكيل
وحتى اذكر انني قرأت موضوع تاريخي في عام 500 ميلادي
ما اذكر في اي سنه بالظبط كانوا الاكراد الفيليه هم يحكمون العراق او بغداد.والي يراجع التاريخ او دارسه راح يعرف هذا الشي.
تقبلي تحياتي العطره